Rreth 10 mijë njerëz kanë marrë pjesë në një protestë në Romë për të kundërshtuar futjen e një kalimi të detyrueshëm të quajtur “green-pass” në vendet e punës nga data 15 tetor.

Green-pass është prezentuar në muajin gusht, ndërsa njerëzit që ishin të pajisur me të ishin të lejuar të vizitonin muzetë, ngjarjet sportive dhe restaurantet, transmeton portal arbresh.info

Green-pass është certifikatë vaksinimi, një certifikatë e kalimit të Covid ose një test negativ.

Kryeministri italian Mario Draghi, para tre javesh njoftoi se ajo do të bëhej e detyrueshme edhe në vendin e punës dhe të gjithë ata që nuk e kanë kërcënohen me pezullim të pagës.

Të gjithë që punojnë në arsim dhe në kujdesin shëndetësor tashmë duhej të kishin këtë leje kalimi.

“Ne të dy u pushuam nga puna dy muaj më parë,” i thanë AFP Cosimo dhe Morena, 40 vjeç, punonjës mjekësorë. Çifti ka probleme me imunitetin dhe alergjitë, kështu që mjeku i familjes vendosi që ata të mos vaksinoheshin, tha Cosimo, megjithatë, ata janë larguar nga puna dhe nuk as nuk janë kompenzuar.

“Ne morëm një avokat sepse kemi binjakë 20-vjeçarë që i mbështesim,” shtoi ai.

Protesta, në të cilën morën pjesë gjithashtu një grup i vogël i ekstremit të djathtë, eskaloi gjatë një përleshje me policinë.

Policia ka përdorur topa uji për të shpërndarë turmën që po i ofrohej objektit të kryeministrisë.

Të dhënat nga Ministria e Shëndetësisë tregojnë se pothuajse 80 përqind e popullsisë italiane mbi moshën 12 vjeç është plotësisht e vaksinuar.

Italia është vendi i parë europian që u prek nga pandemia, ku më shumë se 130 mijë njerëz humbën jetën./arbresh.info/